Tilkynningar

DÁSAMLEGUR MATUR SEM ALLIR GETA NOTIÐ Uppskriftabókin Kræsingar sem Astma og...
Opnunartími skrifstofu
Gerast félagi

Skráning á póstlista

Minningarkort
Tímarit
Fræðslumyndbönd
Medic Alert
SÍBS

 

 

 ht logo big neg1

Að byggja betra samfélag fyrir alla.

Ellen-passamyndFélagsmenn allra félaga í SÍBS.

Við höfum nú gengið í Öryrkjabandalag Íslands og til að kynna verkefni ÖBÍ kemur Ellen Calmon formaður til okkar mánudaginn 23. nóvember. Hún mun kynna og sýna stutta mynd um það sem Öryrkjabandalagið vinnur að. Kynna mannréttindabaráttu fatlaðs fólks, langveikra, örorkulífeyrisþega og aðstandenda þeirra.

Lesa meira...

IKEA innkallar RUSSIN & MANDEL, rúsínu- og möndlublöndu, vegna ófullnægjandi upplýsinga um hnetuinnihald

Fréttatilkynning 


IKEA hneturIKEA vekur athygli viðskiptavina á að RUSSIN & MANDEL pokar

með rúsínu- og möndlublöndu, sem hafa verið til sölu í versluninni, geta innihaldið aðrar hnetur en gefið er upp í innihaldslýsingu. Öryggi er alltaf í forgangi hjá IKEA og því eru pokar með ákveðnum merkingum innkallaðir.

Lesa meira...

Reykavíkurmaraþon Íslandsbanka hefur mikla þýðingu fyrir AO

Rvkmaraþon 2015

Reykjavíkurmaraþon Íslandsbanka er einn af stærri viðburðum íslensks þjóðlífs en tugir þúsunda einstaklinga taka þátt á einn eða annan hátt. Hlaupið skiptir okkur í Astma- og ofnæmisfélaginu töluverðu máli, aðallega fyrir þær sakir að einstaklingar með astma taka þátt í hlaupinu, hver á sínum forsendum, en þjálfun og hreyfing er mikilvægur hluti þess að vinna gegn (versnun astmans) því að astminn versni stuðla að bættri heilsu, betri líðan og heilsusamlegri líkamsþyngd. Hlaupið er einnig mikilvægur vettvangur fyrir AO til að gera málstað sinn sýnilegan í samfélaginu líkt og önnur sjúklingasamtök gera. 

Lesa meira...

Astma- og ofnæmisfélag Íslands á heilsusýningu í Hörpunni

heilsa og lífstill 2015Astma- og ofnæmisfélag Íslands, ásamt Heilsutorgi og Lind, félagi um ónæmisgalla, stóðu vaktina á heilsusýningunni Heilsa og Lífsstíll sem fram fór í Hörpunni 2. - 4. október sl. Þátttaka í sýningunni var mikilvæg fyrir félagið til að kynna starfsemi sína en ekki síst til að hitta fólk á förum vegi og svara spurningum sem voru ótal margar og snéru jafnt að astma og ofnæmi, mengun og gróðri. Miklu af blöðum og fræðsluefni var dreift til gesta sýningarinnar auk þess sem boðið var upp á náttúruleg vítamín í formi ávaxta og grænmetis. Stjórn AO þakkar þeim sem voru fulltrúar AO þessa þrjá daga fyrir alla hjálpina og þeim áhugasömu gestum sem heimsóttu básinn okkar en einnig Heilsutorgi fyrir að bjóða okkur að vera með sér á sýningunni.

Fríða Rún Þórðardóttir

Formaður Astma- og ofnæmisfélags Íslands

Astma- og ofnæmisfélag Íslands hlýtur beina aðild að ÖBÍ

ÖBIÁ dögunum, nánar tiltekið þann 6. október sl., urðu þau tímamót að Astma- og ofnæmisfélag Íslands hlaut beina aðild að ÖBÍ ásamt þremur öðrum félögum en það eru Hjartaheill, Ný Rödd og Samtök lungnasjúklinga. AO, Hjartaheill og Samtök lungnasjúklinga hafa verið aðilar að ÖBÍ í gegnum SÍBS en um nokkurt skeið hefur legið fyrir sú ósk að um sjálfstæða aðild yrði að ræða. Þar með eru aðildarfélög ÖBÍ orðin 41 talsins og félagsmenn yfir 30.000 en með svo stóru baklandi er hægt að vera mjög sýnileg í þjóðfélaginu og koma góðum verkum áfram.

Nú þegar hefur AO notið góðs af þeim tengslum sem félagið hefur haft innan ÖBÍ, til að mynda byggt upp sterkara tengslanet auk þess að öðlast meiri innsýn í baráttumál öryrkja og annarra sjúklingasamtaka.

Þrátt fyrir að AO hafi verið hluti af ÖBÍ og tengst þannig starfsemi þess er ljóst að sjálfstæð aðild felur í sér meiri ábyrgð, sem og kröfu um aukna þátttöku í starfi ÖBÍ til að mynda í málefnahópum og á þingum. Stjórn AO ber þó engan kvíðboga fyrir því þar sem AO hefur á að skipa mörgum mjög hæfum einstaklingum auk þess sem AO og ÖBÍ eiga margt sameiginlegt í sínum markmiðum og stefnumótun til framtíðar. Þar má nefna, lyfjamál, búsetu- & húsnæðismál, þjálfun & starfsendurhæfingu og kjaramál & réttindi.

AO leggur stolt af stað inn í þessa auknu samvinnu og vonast til að geta enn frekar látið gott af sér leiða fyrir sjúka og öryrkja í landinu.

Fríða Rún Þórðardóttir

Formaður Astma- og ofnæmisfélags Íslands

Póstlisti AO

Fáðu sendar tilkynningar og fréttir af starfi AO