Tilkynningar
Samantekt frjómælinga 2022
Tekið hefur verið saman yfirlit yfir frjómælingar í Garðabæ og á Akureyri sumarið 2022. Á Akureyri var fjöldi frjókorna aðeins yfir meðaltali en í Garðabæ hafa aðeins einu sinni áður mælst svo fá frjókorn. Á Akureyri var heildarfjöldi frjókorna 3.838 frjó/m3. Af þeim var hlutfall birkifrjóa 41%, grasfrjóa 32%, asparfrjóa 5% og súrufrjóa 1%. Frjókorn af ýmsum tegundum sem jafnan ber lítið á voru 766 talsins (20%), þar af voru furu-/grenifrjó 10%. Frjóríkasti mánuðurinn var maí en þá voru 1.367 frjó/m3 eða tæplega 36%. Í Garðabæ var fjöldi frjókorna 1.870 frjó/m3. Af þeim voru grasfrjó 48%, birkifrjó 15%, súrufrjó 5% og asparfrjó 3%. Fjöldi frjókorna ýmissa tegunda sem jafnan ber lítið á var 440 eða tæplega 24%, þar af voru furu- og grenifrjó 9%. Flest frjókorn mældust í júní eða 711 frjó/m3 eða 38% af frjókornum sumarsins.
HeilsumolarSÍBS hefur framleitt örmyndbönd með góðum ráðum um hvað hægt er að gera til að bæta heilsu og líðan. Að taka ábyrgð á eigin heilsu hefst á því að vita hvað er heilsusamlegt. Myndböndin eru unnin í samstarfi við Embætti landlæknis, Reykjavíkurborg, Þróunarmiðstöð heilsugæslunnar, Heilsuveru, ÍSÍ, Rauða krossinn og Betri svefn, með styrk frá Lýðheilsusjóði. Myndböndin verða fyrst aðgengileg á íslensku, svo á ensku og pólsku.
Notendaráð ÖBI vantar fólk í málefnum fatlaðs fólksGetur þú lagt ÖBI lið ?Notendaráð ÖBI vantar fólk í málefnum fatlaðs fólks í sveitarfélögum um allt land
HlaupanámskeiðTíu vikna hlaupanámskeið sem fer fram í lokuðum hóp á Facebook undir leiðsögn reyndra þjálfara. Námskeiðið er fyrir byrjendur og þá sem eru að hefja aftur hlaup eftir hlé. Skráningu á námskeiðið sem hefst 5. september 2022 er hafin. Skráðir þátttakendur fá tölvupóst frá SÍBS með boði í Facebookhóp nokkrum dögum fyrir upphaf námskeiðs athugið að sá póstur getur lent í "ruslinu". Ef engin póstur berst hafið samband This email address is being protected from spambots. You need JavaScript enabled to view it.
Reykjavíkurmaraþon 2022 - viltu hlaupa fyrir AO í ár ?Ágæti lesandiReykjavíkurmaraþon Íslandsbanka fór ekki varhluta af Covid faraldrinum svo fresta þurfti viðburðinum í tvígang. Í ár er skipulagning hlaupsins hins vegar kominn á fullt skrið þar á meðal áheitasöfnunin „Hlauptu til góðs“ sem margir þekkja. Við hjá AO erum mjög þakklát þeim sem hlaupið hafa til góðs í okkar þágu í gegnum árin en þeir hafa safnað fé sem AO hefur síðan notað til að styrkja ýmiss verkefni meðal annars námskeið fagfólks erlendis og til kaupa á tækjabúnaði fyrir nýburaskimun á ónæmisgöllum sem notað er á Landspítala. Okkur hjá AO langar að komast í samband við þá sem hafa á liðnum árum safnað áheitum fyrir AO og einnig þá sem stefna á þátttöku í hlaupinu í ár og myndu vilja skrá AO sem sitt málefni til að hlaupa fyrir. Í staðinn mun AO gefa hlauparanum æfingabol merktan AO og í aðdraganda hlaupsins fylgjast með því hvernig æfingar ganga og söfnun áheita. Við höfum hugmyndir um að birta mynd af hlaupurum á FB síðu AO og hvetja þannig þá sem fylgja okkur, til að heita á hlauparana og hvetja þá þannig áfram í undirbúningnum og við áheitasöfnunina. Þeir sem opnir eru fyrir þessari hugmynd eru beðnir um að hafa samband með því að senda póst á This email address is being protected from spambots. You need JavaScript enabled to view it. og á Fríðu Rún formann AO This email address is being protected from spambots. You need JavaScript enabled to view it. og við höfum svo samband til baka. Einnig bendum við á að ef að AO félagi hefur einhverjar spurningar varðandi undirbúninginn getur hann eða hún sent póst á Fríðu Rún sem hefur ágæta reynslu á hlaupa- og næringarsviðinu auk þess að vera þjálfari hlaupahóps. Með kveðju Astma- og ofnæmisfélag Íslands. |
Póstlisti AO
Fáðu sendar tilkynningar og fréttir af starfi AO