Tilkynningar

DÁSAMLEGUR MATUR SEM ALLIR GETA NOTIÐ Hin breska Alice Sherwood er...
Opnunartími skrifstofu
Gerast félagi
ao vidbragsaaetlun hnappur

Skráning á póstlista

Minningarkort
Tímarit
Fræðslumyndbönd
Medic Alert
SÍBS

 

 

 ht logo big neg1

Um Astma- og ofnæmisfélag Íslands

 

aologo 250pxAstma- og ofnæmisfélagið (AO) var stofnað árið 1974 til að berjast fyrir hagsmunum fólks með astma og ofnæmi. Félagið talar máli fólks með astma og ofnæmi við yfirvöld heilbrigðismála, loftgæða- og umhverfismála, kennslumála og aðra áhrifahópa í þjóðfélaginu en einnig til Evrópusambandsins í gegnum Evrópsku sjúklingasamtökin (EFA). Félagið er fjölmiðlum ráðgefandi um ofangreind málefni og tekur þátt í umræðum líðandi stundar í fjölmiðlum og smærri nefndum og hagsmunahópum.

 

Í byrjun nýrrar aldar var nafninu breytt í Astma- og ofnæmisfélag Íslands en félagið er nú sem fyrr deild í Samtökum íslenskra berkla- og brjóstholssjúklinga (SÍBS) www.sibs.is og aðili að Öryrkjabandalagi Íslands (ÖBÍ) www.obi.is. AO er aðili að norrænu samstarfi og einnig Evrópsku sjúklingasamtökunum um astma, ofnæmi og lungnasjúkdóma, European Federation of Allergy and Airways Diseases (EFA) www.efanet.org

 

Astma- og ofnæmisfélag Íslands leggur áherslu á fræðslu og þjónustu við félagsmenn sína. Heldur fræðslufundi og námskeið, tekur þátt í heilsutengdum viðburðum og gefur út fréttablöð og bæklinga.

 

Skrifstofa félagsins er að Borgartún 28a, 105 Rvk (í húsi SÍBS) og sinnir starfsmaður félagsins erindum þar einn dag í viku á mánudögum kl. 9-15. Tölvupóstur félagsins er vaktaður oftar.

 

Styrktarsjóður félagsins styrkir verkefni, rannsóknir og starfsþjálfun heilbrigðisstarfsfólks á sviði astma og ofnæmis og hefur gert svo um árabil.

 

Félagsgjald fyrir árið 2023 er kr 3.000-, (Ath. hálft gjald fyrir börn, ellilífeyrisþega og öryrkja).

 

gerastfelagi2

Átt þú samleið með þeim sem berjast fyrir hagsmunum fólks með astma og ofnæmi? Ef svo er skráðu þig þá í félagið hér !

Póstlisti AO

Fáðu sendar tilkynningar og fréttir af starfi AO