Details

27. Jan 2014

Greining fæðuofnæmis og fæðuóþols

Undanfarna mánuði hafa ýmsir aðilar verið áberandi í markaðssetningu á vörum sem eiga að greina á auðveldan máta fæðuofnæmi og fæðuóþol.

Ljóst er að um 20 – 35% einstaklinga telja sig vera með fæðuofnæmi eða fæðuóþol. Hins vegar þegar ítarlegum læknisfræðilegum aðferðum hefur verið beitt á þá einstaklinga þá reynist eingöngu 1 – 4% þeirra vera með staðfest fæðuofnæmi. Einhver hluti þeirra sem eftir standa er með fæðuóþol sem er ekki einungis bundið við svar ónæmiskerfisins að glútenóþoli undanskildu.

Sjúkdómseinkenni fæðuofnæmis eða fæðuóþols eru mismunandi og ekki eingöngu bundin við meltingarveg. Geta þau einnig birst í einkennum frá öndunarfærum, liðum, mígreni, húð og jafnvel taugakerfi svo eitthvað sé nefnt. Algengustu einkenni fæðuóþols frá meltingarvegi eru uppþemba, vindverkir, niðurgangur, ógleði, brjóstsviði, maga- og kviðverkir. Því miður hefur enn ekki tekist að koma á fót skilvirkum leiðum til að greina fæðuóþol. En þó má með sameiginlegu átaki lækna og næringarfræðinga oft finna út hvað veldur.

Stöðugt eru í gangi rannsóknir til að finna nýjar og auðveldari greiningarleiðir fyrir þessa sjúkdóma. Hins vegar er staðan enn þannig í dag að lítill hluti þeirra prófa sem hvað mest hafa verið auglýst undanfarna mánuði hafa sannanlega greiningarhæfni og því alls ekki æskileg til að meta hvort um óþol geti verið að ræða eða ekki. Ber því að vara fólk eindregið við notkun slíkra prófa þar sem reynslan hefur sannað að röng sjúkdómsgreining á fæðuóþoli getur haft alvarlegar afleiðingar í för með sér. Dæmi um rannsóknaraðferðir sem ekki hafa verið vísindalega sannreyndar til greiningar á fæðuofnæmi og fæðuóþoli eru t.d. blóðpróf sem grundvallast eingöngu á mælingu IgG, frumudrápspróf, svæðanudd, lithimnugreining og rannsóknir á hári svo eitthvað sé nefnt.

Fyrir áhugasama er hægt að benda á ítarlegri greinar fyrir almenning um fæðuofnæmi og fæðuóþol á heimasíðu astma og ofnæmisfélagsins sem hafa birst í tímariti félagsins (ao.is).

Björn Rúnar Lúðvíksson, Prófessor og yfirlæknir í ónæmisfræði við Landspítala Háskólasjúkrahús

Details

18. Jan 2014

Bakari með hveitiofnæmi

Viðtal úr Fréttatímanum 20.desember 2013 við Elías Kjartan Bjarnason um hveitiofnæmi.

Elíasi fannst fyrst sárt þegar fólk hló að því að hann væri bakari með hveitiofnæmi en getur nú séð spaugilegu hliðina.

„Ég held að ég hafi kannski verið í afneitun til að byrja með. Ég var með mikil ofnæmiseinkenni og nefrennsli sumarið eftir að ég útskrifaðist,“ segir Elías Kjartan Bjarnason sem útskrifaðist með sveinspróf í bakaraiðn vorið 2012 en var greindur með ofnæmi fyrir hveiti, rúgmjögli og haframjöli í byrjun þessa árs. 

lías ætlaði upphaflega að læra til kokks og hóf nám á almennri matvælabraut við Menntaskólann í Kópavogi. „Þá fengum við að prófa kokkinn, þjóninn og bakarann, og komst þá að því að mér fannst lang skemmtilegast að baka.“ Hann segir að kennarinn sinn, Ásthildur Guðmundsdóttir sem hefur umsjón með grunndeildinni, hafi haft jákvæð og hvetjandi áhrif á sig sem hafi átt sinn þátt í að hann valdi bakarann.

Elías fór á samning hjá Kökuhorninu í Bæjarlind þar sem hann var afar ánægður. „Yfirmaðurinn minn, Guðni Hólm sem rekur bakaríið, er mjög góð fyrirmynd. Ég hefði viljað verða jafn flinkur og hann,“ segir Elías. Hann var fjögur ár á samningi hjá Kökuhorninu, tók tvær annir í skólanum á þessum tíma og útskrifaðist fyrir hálfu öðru ári. Brátt fóru ýmis ofnæmisviðbrögð að gera vart við sig en Elías gerði sér ekki strax grein fyrir að um ofnæmi væri að ræða.

Sjá viðtalið í heild sinni  í Fréttatímanum og viðtal við Maríu Ingibjörgu Gunnbjörnsdóttur yfirlæknir ofnæmisdeildar Landspítalans

Details

08. Jan 2014

Skyndibiti fyrir þá sem eru með ofnæmi

Mikill fjöldi skyndibitastaða keppist um hylli viðskiptavina. Margir þeirra stíla inn á hollustu og heilnæmi matarins sem í boði er, sem er gott út af fyrir sig.

Hins vegar eru aðeins fáir staðir sem einnig gefa sig út fyrir það að veita þeim sem eru með ofnæmi og óþol öruggar upplýsingar um innihald í réttunum sem í boði eru.

Ginger, tiltekur hvort rétturinn inniheldur glúten, mjólkurafurðir, sojaafurðir, hnetur www.ginger.is

Saffran, veitir heildrænar upplýsingar um hvern rétt www.saffran.is

Subway, veitir heildrænar upplýsingar um hvern rétt www.subway.is

Allar ábendingar um fleiri staði sem veita aðgengilegar upplýsingar á vefsíðu sinni eru vel þegnar og sendist á This email address is being protected from spambots. You need JavaScript enabled to view it. því það er sjálfsagt að Astma- og ofnæmisfélag Íslands veki athygli á stöðum sem birta slíkar upplýsingar og bendi félagsmönnum sínum á þá því öll þurfum við að hafa val um það hvað við borðum og reyndar þá er skyndibitamarkaðurinn orðinn þannig að margt sem þar er boðið upp á er ljómandi hollur og næringarríkur matur á hóflegu verði.

Details

09. Des 2013

Astma- og ofnæmisfélag Íslands hefur gert samning við Lyfaval um afslætti til handa félagsmönnum AO.

Samningur AO við Lyfaval um afslætti til handa félagsmönnum.

Til að njóta þessara afslátta þarf hver félagsmaður að framvísa kortinu sem þeir fá á næstunni sent í pósti.

• Lyfjavali í Mjódd,
• Bílaapóteki Lyfjavals Hæðasmára 4 í Kópavogi, 
• Lyfjavali Álftamýri 15 Reykjavík og í
• Apóteki Suðurnesja Reykjanesbæ.

Lyf sem Sjúkratryggingar Íslands taka ekki þátt í að greiða (m.a. verkjalyf, sýklalyf) mun Lyfjaval bjóða félögum AO á mjög góðum kjörum. Einnig vörur í búð þar með talin lausasölulyf. Þá verða tilteknar vörur með sérlegum afslætti og eru það vörur sem valdar hafa verið af læknum og stjórn AO með hliðsjón af því að algengt er að ofnæmissjúklingar kaupi þær.  Sjá lista hér

Aðrar vörur sem um ræðir eru:

• Nutramigen þurrmjólk  
• Mildison krem  
• Decubal clinic húðkrem  
• Decubal lipid cream 200 ml 
• Decubal clinic lotion 
• Eucerin krem 75 ml  
• Eucerin húðmjólk 400 ml án ilms 
• Eucerin cream sápa án ilms 400 ml  
• Apot hydrofil rakakrem 500 ml m dælu  
• Apot hydrofil rakakrem 100 ml  
• Nefspray  
• Otrivin nefspray 10 ml fyrir börn og fullorðna 
• Loritin ofnæmistöflur; 10 stk 30 stk. 100 stk. 
• Gervitár

Details

11. Nóv 2013

Bæklingur um fæðuofnæmi

Fæðuofnæmi geta verið banvæn

Endurgerð hins vinsæla bæklings um Fæðuofnæmi hefur litið dagsins ljós.

Bæklingurinn er samvinnuverkefni Astma og Ofæmisfélags Íslands og Glaxo Smith Kline. Sigurveig Þ. Sigurðardóttir, barnalæknir og sérfræðingur í ofnæmis- og ónæmissjúkdómum á Landspítalanum og Kolbrún Einarsdóttir næringarráðgjafi á Landspítalanum eru höfundar bæklingsins en nutu aðstoðar Björns Árdals barnalæknis og sérfræðings í ofnæmis- og ónæmissjúkdóum og Fríðu Rúnar Þórðardóttur næringarráðgjafa og næringarfræðings á Landspítalanum

Bæklingnum verður dreift á heilsugæslustöðvar og í læknastofur auk þess sem allir sem kaupa matreiðslubókina Kræsingar sem Astma- og Ofnæmisfélag Íslands gefur út í samvinnu við OPNU bókaútgáfu fá bæklinginn í kaupbæti.

Bæklinginn má nálgast á skrifstofu Astma- og Ofnæmisfélags Íslands í Síðumúla 6 www.ao.is

Details

11. Nóv 2013

DÁSAMLEGUR MATUR SEM ALLIR GETA NOTIÐ

Uppskriftabókin Kræsingar, sem Astma- og ofnæmisfélag Íslands gefur út í samvinnu við bókaútgáfun OPNU hefur hlotið góðar viðtökur enda nokkuð sem þeir sem stríða við ofnæmi og óþol hafa beðið eftir. Bókin hentar þó fleirum, eða öllum þeim vilja borða mat sem eldaður er frá grunni úr heilsusamlegu og einföldu hráefni. Falleg mynd fylgir hverri uppskrift.

Kræsingar – án ofnæmisvalda geymir yfireitt hundrað alhliða uppskriftir, bragðgóð brauð og kökur og spennandi eftirrétti sem bráðna á tungunni, einnig holla millibita, stórkostlega veislurétti og allt þar á milli. Þetta er í raun fjórar bækur í einni því hverri uppskrift fylgja þrjú afbrigði sem eiga við helstu ofnæmisvaldana; egg, mjólkurvörur, hnetur og glúten. Þá eru víða fleiri afbrigði, t.d. án soja eða skelfisks.

Þetta er þó ekki endilega bók um sérfæði heldur alhliða uppskriftir að girnilegum mat sem allir geta eldað og notið og uppskriftirnar eru upplagðar fyrir alla sem vilja nota ferskt, næringarríkt og lítið unnið hráefni.

Alice Sherwood, höfundur þessarar bókar, hafði ávalt verið áhugasöm um mat og matargerð en þegar tveggja ára sonur hennar greindist með fæðuofnæmi fannst henni sem ekkert væri lengur til sem hægt væri að elda. Hún tók málið í eigin hendur, kynnti sér mismunandi ofnæmi í þaula og bjó til fjölbreyttar og girnilegar uppskriftir sem hentuðu öllum – líka þeim sem hafa ofnæmi eða óþol fyrir einstökum fæðutegundum.

Fróðlegur inngangur fylgir um fæðuofnæmi þar sem höfundur bókarinnar lýsir eigin reynslu og viðbrögðum þegar sonur hennar greindist með ofnæmi. Hún gefur góð ráð sem öll miða að því að tryggja næringarríka fæðu fyrir þá sem eru með ofnæmi, auka vellíðan þeirra og styðja við fjölskylduna og nánustu ættingja. Sameina þannig alla fjölskylduna yfir góðri máltíð, heima og heiman og leiðbeina þeim sem vilja bjóða fólki með fæðuofnæmi í mat.

Fríða Rún Þórðardóttir næringarfræðingur og næringarráðgjafi á Landspítalanum þýddi bókina að tilstuðlan Astma- og ofnæmisfélags Íslands.

Bókinni fylgir ný endurútgefinn bæklingur um Fæðuofnæmi sem er samvinnuverkefni Astma og Ofnæmisfélags Íslands og Glaxo Smith Kline en Sigurveig Sigurðardóttir sérfræðingur í ofnæmissjúkdómum og Kolbrún Einarsdóttir næringarráðgjafi eru höfundar bæklingsins.

Kræsingar fást í SÍBS húsinu Síðumúla 6 og kostar þar 3.990 kr og hjá Pennanum, Iðunni og hjá Eymundssyni.