Details

20. Feb 2017

Sumarskóli um samning Sameinuðu þjóðanna um réttindi fatlaðs fólks haldinn 19. til 23. júní 2017 á Írlandi.

Öryrkjabandalag Íslands hefur ákveðið að veita nokkrum félagsmönnum aðildarfélaga ÖBÍ styrk til þátttöku í sumarskóla um samning Sameinuðu þjóðanna um réttindi fatlaðs fólks (SRFF). Skólinn verður haldinn dagana 19. til 23. júní 2017 við háskólann í Galway, á vesturströnd Írlands. ÖBÍ skorar á meðlimi aðildarfélaga sinna að sækja um styrk til ferðarinnar. Þeir sem hljóta styrk þurfa að vera Öryrkjabandalaginu innan handar við kynningu á samningnum síðar.

Um skólann: Markmið skólans er að þátttakendur öðlist innýn í samninginn og nauðsynlega færni til að nýta efni hans fötluðu fólki til hagsbóta. Kennarar og leiðbeinendur í skólanum hafa annað hvort komið að gerð samningsins og/eða eru þekktir baráttumenn fyrir bættum aðstæðum fatlaðs fólks. Skólinn hefur verið haldinn árlega frá árinu 2009. Nemahópurinn samanstendur að jafnaði af einstaklingum frá öllum heimsálfum. Fatlað fólk, aðstandendur, fulltrúar hagsmunafélaga, lögfræðingar, stjórnmálamenn og stefnumótandi aðilar hafa komið saman til að kynna sér samninginn og skapað tengslanet.

Dagskrá sumarskólans 2017: Í ár er meginþema sumarskólans ákvæði samnings Sameinuðu þjóðanna um réttindi fatlaðs fólks um það hvernig tryggja skuli vernd og réttindi fólks með andlegar og félagslegar fatlanir (e. psychosocial disabilities). Líkt og í fyrri sumarskólum verður áhersla lögð á almenna kynningu á hugmyndafræði samningsins, réttindum hans og hvaða þýðingu hann hefur fyrir fatlað fólk. Fyrirlesarar sumarskólans, sem allir þekkja vel til réttinda fatlaðs fólks, koma víða að og eru m.a. fatlað fólk, fræðimenn, aktívistar, lögfræðingar og stjórnmálafólk.

Um styrk ÖBÍ: Styrkur ÖBÍ miðast við að greidd verði námskeiðsgjöld, ferðakostnaður og gisting sem samsvarar kostnaði við gistingu á háskólasvæðinu (Campus). Einnig er greiddur kostnaður vegna aðstoðarmanns fyrir þá sem þurfa á því að halda.

Umsækjendum er bent á þann möguleika að leita til síns félags um styrk, stéttarfélags og annarra sambærilegra aðila til að kanna rétt sinn úr starfsmennta- og/eða starfsþróunarsjóðum. ÖBÍ bendir í því samhengi á Námssjóð Sigríðar Jónsdóttur fyrir þá sem eru með örorkumat, sjá nánar http://www.obi.is/is/radgjof-og-thjonusta/styrkir.

Umsóknir skulu berast í síðasta lagi 15. mars næstkomandi til móttöku ÖBÍ á netfangið This email address is being protected from spambots. You need JavaScript enabled to view it. . Í umsókn skal koma fram fullt nafn, kennitala, aðildarfélag umsækjanda og stuttur rökstuðningur fyrir umsókn um styrkveitingu.

Undirbúningsnámskeið fyrir styrkþega: Styrkþegum verður boðið upp á stutt kynningarnámskeið á grunnþáttum og hugtökum samningsins áður en sumarskólinn verður haldinn. Dagskrá og dagsetning verður auglýst síðar.

Nánari upplýsingar veitir Þórný Björk Jakobsdóttir á skrifstofu ÖBÍ á netfanginu This email address is being protected from spambots. You need JavaScript enabled to view it. og í síma 530 6700. Einnig er hægt að nálgast upplýsingar um sumarskólann á heimasíðu Centre for Disability Law and Policy, National University of Ireland, Galway, http://www.nuigalway.ie/cdlp/ 

Details

13. Feb 2017

Sérhannað námskeið um ofnæmisfæði 4. og 5. apríl

Astma- og ofnæmisfélag Íslands hefur hannað námskeið um eldun ofnæmisfæðis sem nú þegar hefur verið haldið víða um land og náð til hátt í 200 manns.

Námskeiðið er hannað með þarfir skjólstæðinga félagsins í huga og er markhópur námskeiðsins fólk sem starfar í leikskólum, skólum og frístundastarfi, einkum þeim sem starfa í eldhúsum. Einnig höfðar námskeiðið til heimilisfræðikennara, starfsfólks annarra stofnana og fyrirtækja, sem og starfsmanna í mötuneytum, á veitingahúsum og síðast en ekki síst í matvælaframleiðslu. Hugmyndin að námskeiðinu kviknaði í samræðum við foreldra ofæmisbarna og fullorðna einstaklinga með fæðuofnæmi og –óþol sem finnst öryggi og þekking oft ekki nægjanlegt.

Markmið námskeiðsins er því að bjóða upp á faglega fræðslu um fæðuofnæmi og –óþol og verklega kennslu í eldun ofnæmisfæðis.

Námskeiðið er opið öllum sem vilja auka þekkingu sína er snýr að fæðuofnæmi og –óþoli en leiðbeinendur er fagfólk á sviði næringar og matargerðar.

Næsta námskeið verður haldið í Menntaskólanum í Kópavogi  4. og 5. apríl. Fyrirhugað er að byrja um kl. 13 en bóklegi hlutinn

stendur í 3 klst með stuttu hléi og verklegi hlutinn í um það bil 3 klst.

Skráning er á netfangið This email address is being protected from spambots. You need JavaScript enabled to view it. og fyrir nánari upplýsingar This email address is being protected from spambots. You need JavaScript enabled to view it.

Fríða Rún Þórðardóttir, Selma Árnadóttir, Margrét S. Sigbjörnsdóttir

Um kennarana:

Selma Árnadóttir er stjórnarmaður í Astma- og ofnæmisfélagi Íslands og móðir barns með

fæðuofnæmi. Hún er núvitundarkennari (MBSR), með diplomagráðu á meistarastigi í jákvæðri sálfræði (Positive Psychology), MBA og kennarapróf B.Ed.. Selma starfaði sem stjórnandi innan skóla- og frístundaumhverfisins um árabil en er nú annar eigendi “Af heilum hug” sem sinnir ráðgjöf og fræðslu sem byggir á grunni jákvæðrar sálfræði og núvitundar.

Fríða RúnÞórðardóttir er næringarfræðingur og næringarráðgjafi, starfar sem slík í Eldhúsi Landspítala og hefur þar yfirumsjón með ofnæmis- og óþolsfæði og öllu sérfæði. Hún hefur haldið fjölda fyrirlestra um næringu, kennt matartæknum við Mennaskólann í Kópavogi ásamt Margréti og ritað bók um næringarfræði, „Góð næring betri árangur í íþróttum og heilsurækt“.  Fríða Rún er formaður Astma- og ofnæmisfélags Íslands. 

Margrét S. Sigbjörnsdóttir er hússtjórnarkennari að menntmeð framhaldsnám í næringarfræði frá háskólanum í Árósum. Hún hefur starfað sem skólastjóri Hússtjórnarskólans á Hallormsstað, kennari við Snælandsskóla og Smáraskóla í Kópavog og verið stundakennari við heimilisfræði í Kennaraháskóla Íslands. Er í dag kennari og fagstjóri við Hótel- og matvælaskólann í Kópavogi.

Skráning er á netfangið This email address is being protected from spambots. You need JavaScript enabled to view it. og fyrir nánari upplýsingar This email address is being protected from spambots. You need JavaScript enabled to view it.

Fríða Rún Þórðardóttir, Selma Árnadóttir, Margrét S. Sigbjörnsdóttir

Details

19. Des 2016

Jólaball 2016

Jólaball Astma- og ofnæmisfélags Íslands verður haldið í húsnæði SÍBS, að Síðumúla 6 í Reykjavík, miðvikudaginn 28. desember kl. 17-19.

Á jólaballinu skemmtir frábært hljómsveit skipuð félögum í SÍBS og jólasveinar mæta á svæðið, dansa í kringum jólatréð með börnunum og færa þeim flotta poka með skemmtilegu dóti í. Einnig verður boðið upp á veitingar sem henta gestum jólaballsins.

Vinsamlegast tilkynnið komu ykkar á jólaballið okkar með því að skrá ykkur hér:

https://goo.gl/forms/GtkexzjddyI4J0j73

fyrir 26. desember 2016 með upplýsingum um fjölda barna og fullorðinna. Gott er  að fá upplýsingar um það fæðuofnæmi sem um ræðir.

Systkini eru velkomin með á jólaballið og er aðgangur ókeypis.

Með von um að sjá sem flesta,

Stjórn  Astma- og ofnæmisfélags Íslands

Details

06. Des 2016

Samstöðufundur við Alþingi 7. desember 2016 kl. 13

ÖBÍ boðar til samstöðufundar við alþingishúsið við upphaf þingfundar miðvikudaginn 7. desember 2016.

Þar verða þingmönnum afhent skrín með óskum frá málefnahópum ÖBÍ vegna fjárlagagerðar fyrir árið 2017. Þar verður meðal annars vikið að óskum um lögfestingu samnings Sameinuðu þjóðanna um réttindi fatlaðs fólks, aðgang fatlaðs fólks að námi, afnám „krónu á móti krónu“ skerðingar, virkt eftirlit með aðgengi að mannvirkjum og að heilbrigðisþjónusta verði endurgjaldslaus.

Þingmönnum verða afhent óskaskrínin við upphaf þingfundar sem hefst kl. 13:30. Um opinn viðburð er að ræða og öllum velkomið að mæta og taka þátt.

Details

07. Nóv 2016

Spjallfundur um fæðuofnæmi

Mánudaginn 21. nóvember kl. 20 stendur Astma- og ofnæmisfélag Íslands fyrir spjallfundi um fæðuofnæmi.

Fundurinn er aðallega hugsaður fyrir foreldra barna með fæðuofnæmi og til að skapa samtal innan þessa hóps, en þó eru aðrir áhugasamir hvattir til að mæta.